Aizawl Municipal Corporation huam chhunga Luangmual leh’ Salem Veng Local Council member pakhat ve ve-te hmun a ruak hnawhkhat turin tukin dar 7 atang khan vote thlak tan a ni a. State Election Commission chuan Inthlan neihna tur veng pahnihah hian sorkarin sorkar pisa, zirna in leh hmundanga thawk te tan chawlh a puang a ni.
State Election Commission chuan inthlanna fel fai leh muanawm neih a nih theih nan inthlan buaipuitu, Political Party te, Media te, NGO te leh mipuite tawiawmna a ngen a. Mipui duhthlanna kal tlanga tualchhung inrelbawlna tha tak neih zui zel a nih theih nana theih tawp chhuah theuh turin mitin te a ngen a. Vote nei te chu vote thlak theuh turin a sawm a ni.
Hnahthial District, Bualpui ‘V’ Village Council inthlan that na tur vote thlak tan a ni a, inthlan buaipui tur hian polling party mi pathum Pu R. Vanlalhruaia, Pu K. Lalrinngheta leh Pu F. Lalawmzuala te an kal a ni.
Bualpui ‘V’ Village Council member pathum (3) awmna hi thiah a nih hnuah State Election Commission Mizoram thuchhuah angin inthlang tha leh tura tih a ni a, vawiina vote tlate hi chhiar nghal a ni ang. VC member pathum zinga pahnih hi general seat a ni a, pakhat hi reserved seat a ni bawk.
Election Office in Bualpui ‘V’ final electoral roll a tihchhuah thar berah Bualpui ‘V’ ah hian vote nei thei mi zathum sawmriat pali (384) an awm a, an zingah hian hmeichhia za sawmkua pathum (193) leh mipa za sawmkua pakhat (191) an awm mek a ni.
Salem Veng bikah tlai lam dar 3 :00 vel thlenga vote tlak dan chu :
Mipa = 1001
Hmeichhia = 1114
Total = 2115
Vote tla % = 50.4
