August ni 1, 2023 atanga Kaladan Multi Modal Transit Transport Project in a tihchhiat ram neitu intelkhawm ten Zangnadawmna an hmuhtheihloh vanga thuneitute an nawrnaah tiamchin awmlova Mizoram Sorkar hnuaia Environment, Forest & Climate Change Chhimtuipui Wildlife Division Office Lawngtlai a Office kai tur an dan chu sorkar atanga thu lawmawm an la hmuh loh avangin vawiin thlengin an la dan chhunzawm.
Tarlan tawh angin, Lawngtlai District Land Oweners Association te hian zangnadawmna hi an beisei ang an hmu thei lo a, thuneitute hnenah pawh theih tawpin an lo nawr tawh thin a, thla hmasa lam khan an beisei ang chhanna an hmuh loh chuan Environment, Forest & Climate Change Chhimtuipui Wildlife Division Office Lawngtlai a Office kaitur an dang dawh tih Chief Secretary hnenah an lo thlen tawh a ni.
T.Zatluanga, Lawngtlai District Land Oweners Association President chuan, “He kan compensation lak tur 138 clearance min ziah sak hma loh chu tiamchin awm lovin kan dang dawn a ni a, chu lo pawh KMMTTP-a improvement work kal lai mek pawh hi compensation kan lak hma loh chu kan dang tawh dawn a ni,” a ti bawk.
