Mizoram Pradesh Youth Congress Committee chuan Headquarters, Aizawl chuan he K.Beichhua, Minister, Excise & Narcotics Department, Govt. of Mizoram hnenah, Pi Lalhriatpuii (L), Dawrpui Vengthar, Aizawl hnenah Mizoram sorkarin zangnadawmna cheng Nuai 100 pe turap hutna lehkha vawiin khan an pe.

Mizoram Pradesh Youth Congress Committee (MPYCC) chuan an lehkha ah chuan, “Mizoram mipuiten kan hriat theuh angin, Nu khawngaihthlak tak Pi Lalhriatpuii (L) Dawrpui Vengthar chu May 27, 2022 khan Excise Department-in an grape wine zawrhlai chu in mansak vek a, tunah pawh engmah pek let a la ni lo. A eizawnna ve ber grape wine a zawrh theih tak si loh avang khan a mangang em em a, chhungkaw eizawngtu ber a nih angin a rilru a hah em avangin vawiinniah a nunna hial a lo chan ta hi MPYCC chuan a runthlak kan tiin a na kan ti hle a ni.

“Chuvangin naktuk July ni 13, 2022 chhun dar 12:00 hma ngei hian Mizoram sorkar-in Pi Lalhriatpuii (L) chhungte hnenah zangnadawmna cheng Nuai 100 pe ngei turin kan phut a, in pe lo a nih chuan a tul angin hma kan la ang tih kan han hriattir a che” an ti.

MPYCC Vice President Pu Laltawnliana’n an lehkha pek tur hi chhiarchhuak in a hlan a ni.