Tukin zing dar 7:30 vel khan 2nd Bn MAP, Assam-Mizoram ramri, Buarchep a duty, Lungleia haw turte chu Vai Awt, Chamring daiah an chuanna bus brake fail vangin an chesual.
MAP 2nd Battalion te hi an vaiin mi 22 an ni a, vanneihthlak takin thi an awm lova, hliam tenau tuar erawh an awm nual.
AH& Minister Dr. K. Beichhua, Vety Board Vice-Chairman Pu C Lalmuanpuia, MLA leh official te Lunglei zin tur chuan accident tawkte hi lo va hmu in, an bawihsawm nghal a, Dr. K. Beichhua chuan kut tliak, dar ruh pelh te chu a theih angin a siamsak nghal a ni.
Dr Beichhua hian Accident te buaipui chhunzawm tur hian Sialsuk lam biak nghal in, Police leh PHC-a Medical Team ten an buaipui chhunzawm dawn a ni.
Bus a chuang te sawi danin an Bus hi nimin lam atanga chiang tawh lo an ti a, a brake a fail leh tak avangin Vai Awt kawngthlang lama lei chhun vum a su ta a ni, an ti.
