MSACS chuan vawiin nileng hian Tlawmngai Pawl Foundation For Drug-Free Mizoram hruaitute tan HIV/AIDS chungchanga an hriattur tulte zirtirna hun an buatsaih sak a. MSACS Director Dr. Jane R. Ralte hovin mi 20 an tel. One Day Training For Trainers on National AIDS Control Programme – V huangchhunga zirtirna ah hian MSACS lama mithiam ten HIV/AIDS leh Ruihhlo chu thil kalkawp tlat anih thu te leh Ruihhlo laka fimkhur lohna avanga natna thleng thin anih avangin; tihdam aiin inven a la tha reng tih an sawi a. Tlawmngai pawl Foundation For Drug-Free Mizoram ten Mizoram suartluana hma an lakna chu MSACS in hnathawh an hriatpui tih an tarlang a, thawhho dan kawng zawn zel nise an ti.
Training ah hian Ruihhlo leh HIV/AIDS in Mizorama bu a khuar mek dan leh tute mah a kan tawh loh avanga kohhran, khawtlang leh chhungkaw mawhphurhna an sawiho bawk.
