Vawiin ni 24.03.2025 Thawhtanni khan MNF chuan Mizo Hnam Run chhung inkhawm an nei a. Hun hnihna – Political session-a thusawitu Pu Ramthanmawia East Tuipui Bialtu MLA leh PAC Member nibawk chuan, Assembly Budget session neih zawh tak chungchang a sawi a, “MNF hi Pathian hruaina leh awmpuina avangin kan hniam ngai lo. Tun sorkar ZPM kan hrawn mek hian an vah chhuahnaah leh assembly house ah te thudik chanve sawilo vin thudik tluantling tak mipui hma ah sawi thin turin ka duh hle a ni. ZPM sorkar chu MNF sorkar hmalakna kuhmum ah par chhuah in an la kal ve bek bek a, hmalakna mumal leh lian tham hriat tur a la awm lo a ni,” a ti.
Pu Ramthanmawia MLA chuan, Assembly house ah, The Mizoram Youth Commission Bill, 2025 te pawh pass pui kan duh viau rualin Assembly Session-ah Chief Minister, House Leader ni bawk rorelna hmuna a khawsak dan chu ram hotupa ber tiha tan mawi lo hle a. Hruaitu hmasa te sawisel thanhnan a, mite thatna reng reng hmu theilo leh hmu thiam lo CM kan nei hi a pawi kan ti a, chuvanga pass pui lo mai an nih thu a sawi nawn leh bawk. Tin, The Mizoram Liquor (Prohibition Act, 2019) pawh hi Kohhran leh khawtlang duhloh zawng avangin kan pass pui thei lo bawk a ni, a ti.
Pu Papuia, MNF PAC member chuan party mipui kalkhawmte chu fuihin, opposition kan nih tak avanga beidawnga zam mai tur kan ni lo. Kan hotu hmasaten hei leh chen min lo kaihruai tawh a, tumahin party an chhuahsan ngai lo. Keini thalaite hi politics avanga chaw nghei leh jail tang kan awm ka ring lo. Kan hotute vahvaihna leh tawrhna zawng zawngte kalkawng kha entawnin hmalam pan zel tur kan ni, a ti bawk.
Chhung inkhawm hi Pu HB Lianmunga, Adviser MNF Gen. Hqrs-in a kaihruai a ni.
