Mizoram Synod hnuaia Inkhawmpui lian ber dawttu Presbytery Inkhawmpui chu October 10 – 13, 2024 chhung hian Mizoram chhung leh pawn hmun hrang hrangah neih mek a ni.
October 10 khan Nomination Committee, Finance Committee leh Sub – Pastoral Committee an thu a, Kohhran Upa thlan tharte Exam buatsaih niin, zan inkhawmah Palai lawmna leh Pastor Bial Report ngaihthlak a ni.
Vawiin October 11 & 12, 2024 (Zirtawpni leh Inrinni) hian Rorel Inkhawm neih a ni a, (Presbytery thenkhat chu Inrinni chauha Rorel an awm bawk), zan lamah vantlang Pathian biak Inkhawm neih a ni ang. October 13 (Pathianni) chawhmaah Upa Nemngheh Inkhawm hman a ni ang a, chawhnuah Lalpa Zanriah Sakramen leh Upa thite sunna inkhawm a awm ang a, zanah Presbytery Moderator kalchhuakten Valedictory Sermon an sawi ang.
Presbytery Inkhawmpui hmanpui hian Synod Puipate hetiang hian an chhuak –
Rev. R. Vanlalnghaka, Moderator – Chhimchhak Presbytery
Rev. P.B. Mankima, Synod Secretary (Sr.) – Aizawl West-I Presbytery
Upa Vanlalsawma Siakeng, Synod Secretary (Jr.) – Aizawl Central Presbytery
Rev. P.C. Pachhunga, Finance Officer – Serlui Presbytery
Rev. H. Laltlanthanga, Statistician – Hmarthlang Presbytery
Rev. C. Zorammawia, Sr. Executive Secretary – Khawthlang Presbytery
Rev. V.L. Luaia Hranleh, Executive Secretary – Teirei Presbytery
Rev. Dr. K. Lallawmzuala, Executive Secretary – Chhimphei Presbytery