Vawiin Dt. 04 October 2024 ah Mizo Zirlai Pawl Headquarters Champhai chuan Champhai School hrang hrang a Raltlan zirlai awmna ah Chin Baptist Association, North America ten ṭanpuina an rawn thawn chu sem a ni.
Chin Baptist Association, North America te chuan Pu Lalduhoma, Chief Minister Govt. Of Mizoram hnenah ṭanpuina hi an hlan a, Pu Lalduhoma hian Mizo Zirlai Pawl Headquarters Champhai hnenah ṭanpuina hi sem turin a hlan chhawng leh a ni. Dt. 04 October 2024 hian MZP Hqrs. Champhai te chuan Champhai District a School 10 ah ṭanpuina hi an hlan.
Heng School ah te hian hlan a ni :
1. Govt. Champhai Primary School III
2. Govt. Farkawn Primary School I
3. Govt. Farkawn Primary School II
4. Holy Cross Middle School, Champhai
5. Govt. Zokhawthar RMSA Secondary School
6. Govt. Champhai Primary School II
7. Govt. Zokhawthar Primary School I
8. Govt. Zokhawthar Primary School II
9. Govt. Zokhawthar Middle School
10. Govt. Dinthar Primary School, Champhai
Mizo Zirlai Pawl Headquarters Champhai te chuan, “Chin Baptist Association, North America leh Pu Lalduhoma Chief Minister Govt. Of Mizoram te chungah thinlung takin lawmthu kan sawi a, Champhai District huamchhung a zirlai te an rawn ngaihtuah hi kan lawm takzet a ni,” an ti.