ASEP General Headquarters, Aizawl chuan Saitual Forest Range nen ṭangkawpin vawiin dt. 23.01.2024 (Tuesday) hian Saitual DC Complex-ah Artificial Nest Box Campaign Campaign & Installation hun an hmang a. He hunah hian Saitual Forest Range RO leh Staff te, Saitual lama environment humhalhtu pawlte leh ASEP member te an tel a ni.
Saitual DC complex-ah function tawi te hman a ni a, ASEP President K. Lalmuansanga chuan kaihruaiin, nungchate chenna kan nekchep nasat avanga compensate ve nan hetiang Sava bu siamchawp programme hi kalpui an nih thu a sawi a. Mitinte pawh hetianga kan nekchep mek kan nungchate tana thil ṭha ti tura ngaihtuahna thar hmang turin a sawm bawk a ni.
Sava bu siamchawpte hi Saitual DC office complex leh Saitual leh a chhevel hmun hrang hrangahte 20 chuang dah a ni.
