Vawiin 30th October 2023 (Monday) chawhma Dar 11:30 hian Weat Phaileng Dinthar kawn ah Union Cabinet Minister of Road Transport and Highway changtu Pu Nitin Gadkari chuan Mamit District Dampa Constituency Pu Vanlalhmuaka BJP Mizoram State President bial tlawhin, Public Meeting a nei a, inkhawm hi MPF Chairman Pastor Vanlalthlamuana’n a kaihruaia, Pu Nitin Gadkari Union Cabinet Minister in thu a sawi a ni.
Pu Gadkari chuan Mizoram in Kum 2023 MLA General Election kan hmachhawn mek a, hemi ah hian Dampa bial tana Pu Vanlalhmuaka leh BJP Official Candidate te tan a rawn kal ka ni a, Mizoram mipui te Development diktak hmu turin BJP lo Vote theuh turin ka ngen che u a, Mizoram ah hmasawnna hrang hrang kan hmuh theih na atan a pawimawh ber chu BJP Sorkar ani a ti.
Pu Gadkari chuan Mizoram ah Kawng chhia kan neih tawh lohna turin BJP kan Vote angai a, Mizoram a Sumdawngtu hrang hrang ten hlawhtlin na an neih theih nan te, Mizoram in Airport tha leh changtlung kan neih nan te, Rail kawng tha tak kan neih nan te, lo neitu ten awmze nei a kan thlai thar te kan hralh theihna tur atan te, thalai eizawnna hna neilo ten eizawnna hna an neih na tur atan te BJP Candidate te lo vote theuh turin ka ngen che u a ni a ti.
Pu Nitin Gadkari chuan Mizoram ah BJP Sorkar ten Sorkarna kan nei anih ngat chuan kawng hrang hranga hmasawnna Central atanga awm thei te chu atakin kan seng lut dawn a, Mirethei te tan hamthatna hrang hrang tamtak kan dawng thei dawn a ni a ti.
Dr BD Chakma MLA in Vote of thanks sawiin, Inkhawm ah hian Pu Lalrinliana Sailo Mamit Constituency BJP Official Candidate bakah Member thahnem tak an kalkhawm a, mipuiin an hlut hle a ni.
