Aizawl District chhunga 11th Agriculture Census neih tur atan vawiin Ni 11.11.2022 chawhma dar 11:00 khan Aizawl DRO Office, Economics and Statistics, New Capital Complex, Khatla , Aizawl-ah buatsaihin Field Work Phase-1 hawnna leh Field Functioneries-te tana training buatsaih a ni.
He hun kaihruaitu Lalthlamuana Fanai, DRO Aizawl chuan Agriculture Census pawimawhna leh Enumerator-te mawhphurhna a sawifiah a. Agriculture Census neihna tura mawhphurhna pawimawh tak chelhtu Enumerator-te chu zirtirnate tha taka ngaithla a, theihtawp chhuaha thawk chhuak turin a chah a ni.
He hunah hian Vanlalfinga, Inspector of Statistics, DRO Office, Aizawl chuan kalkhawm Enumerators te zirtirna a pe a, a taka entirna leh sawifiahna a nei nghal bawk a ni.
11th Agricultural Census (2021-2022) hi phase 3 a kalpui tur a ni a. Covid-19 vangin hun engemawchen a khaihlak hnuah neih tan tur a ni dawn a. Zau zawka Agricultural Statistics lak nana hman tur a ni a. Census hi paper tel lova survey neih tur a ni a, hei hi India rama Agriculture Census neihah chuan an hmanna hmasa ber tur a ni.
Aizawl District-ah hian Enumerators 37 thlan chhuah niin, vawiin training-naah hian an tel kim thei a, Field work neih an nih hnuah Enumerators te theih tawp chhuaha lo tawiawm turin Village Council te District Research Officer, Aizawl District chuan a ngen nghal a ni.
