Vawiin June ni 2, Zirtawpni khan Congress Ṭhalai Hqrs. (MPYCC) hruaitute chuan an President Laltawnliana hovin School Education Minister office-ah lehkha an theh lut.
He an lehkha thehluhah hian Sawrkar Primary School leh Middle School zirlaibu sem mumal loh leh Samagra zirtirtu hlawh lak ṭhat loh chungchang te an ziak a. School Education Minister leh a Private Secretary te an lo awm loh avangin, Minister personal staff te hnenah lehkha hi an thehlut a ni.
An lehkha thehluh …
To,
The Minister,
i/c Education etc.
Govt. of Mizoram
*Subject : Zirlaibu Sem leh Samagra Hnuaia Zirtirtute Hlawh Chungchang.*
Ka Pu,
I department chan School Education Department hnuaia sawrkar Primary School-te hian vawiin ni thlengin an zirlaibu an la dawng lo va. A dawng tlem azâwng awmte pawhin subject hnih khat chauh an la dawng a. Hei hi tha kan ti lo va. Kan ram la hruaitu tur leh kan ram innghahnate ngaih pawimawh an ni lo hi pawi kan ti em em a ni. Zirlai ten lehkhabu an la dawng lo leh a dawng awmchhunte pawhin subject hnih khat chauh an la dawng hi enge a chhan keini Mizoram Pradesh Youth Congress Committee-te chuan kan hrethiam lo hle a ni. Zirlai-te hi an zir tur lehkhabu pek nghal ni rawh se.
Tin, Samagra hnuaia zirtirtu ten tun thlenga hlawh an la la lo hi kan hrethiam lo hle bawk a. Education kaihhnawih thil-ah kher hi chuan sawrkar, a bikin I department-te hi chu inthlahdah lo turin kan ngen tak meuh meuh a ni.
Keini Congress Thalai-te chuan zirlai ten zirlaibu an dawn leh dawn loh hi kan ngaihven reng dawn a ni tih kan hriattir bawk a che.
I rintlak,
Sd/- Zodinsanga
General Secretary
Ph: 7085930209
